ماذانعرف عن الـ Over Clouking

السـ عليكم ورحمه الله وبركاته ـلام

مرحب بيكم شباب حبيت نعلمكم بشئ مهم جدا صاير الايام هذينا وانا واحد من الناس طحت فيه المطب هذا ,

المطب هو انك لما تشري كمبيوتر جديد وتطلب مواصفات معينة واكيد اهم شئ هو السرعة
ومشاء الله الواحد لميا يطلب سرعة عالية زي 2200 او 2000 او بلاحري من 1200 الي 2200 ينصدم الواحد ويلقي الجهاز اللي خذاه سرعتة 800 او 900 في الحالة هذه شنو ايدير.
المهم يا شباب انا واحد من الناس طحت في هذا المطب
وهو :
شفت واحد من المحلات التي تعرض اجهزة للبيع وكانت اسعارها مشاء الله (رخيصة يعني) والخرخيص رخيص مغير زايد.
المهم لقيت جهاز مشاءالله سرعتة(2200Mhz) معالج AMD وباقي المواصفات الاخري مشاء الله, ولما جبتة للبيت اول شئ طبعا الواحد لازم بتأكد من الواصفات اللي طلبهن.
مشاءالله يا شباب لقيت السرعة 800
ولما رجعت لصاحبي اللي شريت منه وقلتله اللي صار قالي مفيتاش من الكلام هذا.
وطلبت منه يعطيني جهازي بنفس المواصفات اللي طلبتهن او يرجعلي اقريشاتي .
ولكن الراجل اصر والح ان المعالج اللي عندي سرعتة 2200 وان الوندوز تقره فيه غلط.
وعلي طول خليت عنده الجهاز وطلعت اندور في حد من المهندسين يفهمني شنو قصة المعالج هذا .
ومشاء الله طحت في جماعة فهموني ونوروني .
وطلع الجماعة يشرو في الوحات الرئسية(المذربورد)من دبي وميندروش ان الجماعة الهنود في دبي يلعبو في البايوس ويديرو في حاجة اسمها Over Clouking ووظيفتها زيادة السرعة . هي مش زيادة السرعة اكيد ولكن لم تحب تشوف سرعة المعالج من الست اب تلاقيها مشاء الله طيارة ,ولكن الوندوز اي وندوز تكشف السرعة وتعطيك سرعة المعالج الفعلية.
واللي فهمته اكثر ان الـ Over Cloking معمولة الي الان علي AMD
ولما تحب تعرف ان المعالج AMD ملعوب فية :
1- ان الـ AMD اخر سرعة له 1200
2- شوف المروحة متاع المعالج شنو مكتوب عليه اذا كان مكتوب Pro 2200 المهم كلمة Pro فعرف ان المعالج ملعوب فيه.


وياريت يا شباب ننتبهو للكلام هذا
واي حد عنده خلفية علي الموضوع هذا يدعمنا وميبخلش علينا

وخصوصا انت خويا كريزي والرياني والاخرين


سلامي من عروس الشرق بنغازي
انا الخير والشر معا لانني انسان

ممنوع وضع الإيميلات في التواقيع أو أي رد أو أي موضوع

الإدارة














.